Sibbald discovered this striped Scotch rose on his farm at Kipps in West Lothian. He altered this name to the more pleasant sounding Ciphiana.

Scotia Illustrata Sive Prodromus Historiae Naturalis (1684) p. 46
Robert Sibbald

Rosa ciphiana, seu Rosa Pimpinellae foliis minor nostras, flore eleganter variegato, Catal. Horti Medici Edinburgensis.

Rosam hanc, quod in Praedio meo Ciphiano sponte nascatur, Ciphianam appellavi. Ea cum non occurrat apud ullum ex Scriptoribus Botanicis, quos mihi videre contigit, digna visa est qua describatur.

Ex radice longâ lignosà per terram serpente assurgit caulis Cubitalis ut plurimùm altitudinis, quandoque majoris , aliquando minoris, qui in tenues ramos se diffundit, spinis densissìmis ab ipsâ radice usque ad plantae summitatem undique armatus. Rami de se protrudunt folia Pimpinellae vulgaris foliis, tum figura, tum quantitate & colore incisurisque in margine levibus, simillima; inter que ex pediculo suo calyx propender, quo aperto exerit e flos simplex tinctus rubedine varia, in quibusdam saturatiore, in aliis dilutiore, in omnibus virgulis albis pulchrè distinctâ. Cui deciduo succedit pomum coloris atro-rubentis, rotundius & minus Cynorrhodi vulgaris pomis, id lanugine quadam & seminibus oblongo­-rotundis, & eх infernâ parte magis compressìs , &, ex basi latiore, cordis effìgie in conum definentibus repletum. Flos eximium odorem de se fundit, quâ pollet tenuitate, penetrantem. Foliis saepe adnascuntur pilulae rubro-pallescentes, nunc rotundae, nunc oblongae, cavitate quadam cujusdam Insecti nidulo donatae.

Nascitur in colle quodam Praedii nostri Сiphiani Austro obverso, declivi admodum, cautibus squalido, nec alibi, quod sciam, conspicitur.

Perennis est planta. In hortos translata tum floris variegationem, tum suavissimum odorem conservat. Eam Sapphicis Versibus fusè descripti & vires ejus enarravi in Ode quadam , quae ad hujus libri calcem habetur.
https://books.google.com/books?id=lLJSAAAAcAAJ&dq=Robert%20Sibbald&pg=RA1-PA46#v=onepage&q&f=false

Ode de Rosa Ciphiana is on pp. 61-62 includes:

Flos Variegatus

Multiplex qualis Rosa splendidisque
Lineis albis decorat Ruborem
Caryophyllis, nitet Tulipis
Purpura qualis.